Aur Main Hoon….

Ghum-e-dunya hai, Ghum-e-insan hai aur main hun,

Aas hai, hasrat hai aur main hun.

Kahin pe fiqr ka alam hai kahin hain mastiaan sharaab ki,

Beparwah halat-e-insan hai aur main hun.

Sir-e-bazaar bikta hai, yahan imaan logon ka,

Niralay khel hai insan key aur main hun.

Yahan Hawwa ki beti bhi khul-e-sir aam phirti hai,

Ajab ye gherat-e-mardaan hai aur main hun.

FARHEEN tu kon hai? kia chahti hai?

Bus ik sawal hai aur main hun.

Advertisements